Dagboek 2019-10-31T19:30:46+00:00

Dagboek

Vir November

Lééf so… met hart & siel

Iets om neer te skryf

‘Alles wat jy doen, moet jy opdra aan die Here, dan sal jou planne slaag.’ Spreuke 16:3

Iets om te bid

‘Dankie Here vir elke goeie gawe uit U hand. In U vind ek ware vreugde.’

Iets om te ontdek

Om in staat te wees om te fokus en jou op iets toe te spits, moet jy nee sê vir baie ander dinge.

Iets om oor na te dink

Oorgawe is om die verlede geheel en al te vergeet, die toekoms in God se hande te laat en volkome in vrede te wees met die hede.

Iets om te ontdek

Vind verukking in die alledaagse: verkyk jou aan die nuwe lig van elke vroeë oggend. Sien Sy rykdom in die natuur raak.

Iets om te vier

Een van die belangrikste maniere hoe ons vroue ons wêreld beïnvloed, is deur dit ’n liefliker plek te maak!

Iets om te glo

Die regte tyd vir dinge is God se tyd, nie ons s’n nie. Ons is gewoonlik haastig, maar God is nooit.

Iets om te doen

Wanneer jy soggens wakker word, bestee die eerste paar oomblikke saam met God voor dat die bedrywigheid van die dag jou tref.

Iets om te verklaar

‘Niks en iemand kan my ooit  van die liefde van Christus skei nie.’ Romeine 8:38

Dagboek

  • Die Mosaiek Expo is nog oop tot en met 2 November om 15h00. Maak ‘n draai by die gewilde Kersmark by Mosaiek, Daniellestraat, Fairland.
  • Kuier op Saterdag, 2 November, saam met Keith Kirsten by die Cavalli-landgoed in die Somerset-Wes-omgewing. Die oggend skop af met ‘n tuintoer, gevolg deur ‘n spog-middagete en word afgesluit met ‘n besoek aan die Cavalli-kunsgallery. Koste is R750 per persoon. Bespreek jou plek by restaurant@cavallieestate.com.
  • Die NG Kerk Melkbosstrand se Feesmark vind plaas van 8 tot 16 November. Kontak Juanita 082 55 20301 of die Kerkkantoor 021 553 2753 vir meer inligting.
  • Die Teodora Sentrum vir Gestremdes se jaarlikse Kersmark vind plaas van 28 tot 30 November. David Langleystraat 433, Garsfontein.