Philip Yancey: Gebed, maak dit enige verskil?

Toe ‘n doktorale student aan die Princeton-universiteit gevra het: “Wat bly daar in die wêreld oor waaroor ‘n mens oorspronklike navorsing vir ‘n verhandeling kan doen?” het Albert Einstein geantwoord: “Vind uit oor gebed. Iemand moet uitvind oor gebed.”

Sluit aan by Lééf se aanlyn-selgroep. Ons skop in Maart af met Philip Yancey se boek: Gebed – maak dit enige verskil?

Kry jou weeklikse studie- en oordenkstukkies vir die week op www.leef.co.za. Kry ‘n groep vriendinne bymekaar om mee saam te werk, of vind jou groep aanlyn, op die selgroep-forum, en deel die pad wat God besig is om met jou te stap, of jou vrae en struikelblokke. Ons is hier om mekaar te ondersteun.

Die kursus strek oor vyf weke:

1. In die geselskap van God (ons kyk na ons diepste verlange om nader aan God te kom)
2. Om die misterie te ontsyfer (ons kyk na of gebed God verander en waarom ons bid)
3. Die taal van gebed (die grammatika van gebed, liggaamlike genesing)
4. Gebedsdilemmas (ons kyk na onbeantwoorde gebed en liggaamlike genesing)
5. Die praktyk van gebed (ek en gebed, gebed en ander, gebed en God)

Lux Verbi bied dié boek teen ‘n spesiale afslag van 20% aan ons lesers. Jy kan die boek teen R135.95 bekom, teenoor die gewone prys van R169.95. Bel 0860 231 231 om die boek te bestel en noem dat jy deel is van Lééf se aanlyn-selgroep.