Wag vir daai positief op jou toets

Liefste Linka Ag vrou, my hart is baie seer vir jou. Vir al die mammas en pappas wat sukkel. Ek is nie in dieselfde situasie nie, maar soortgelyk. Ek het ook gevra en vra nogsteeds vir God waarom, hoekom, maar ek het besef ek gaan nie die antwoord kry deur te vra nie, maar deur net my geloof en hoop in die Here te sit. Ek weet dit is makliker om saam te praat as om dit te doen, ek sukkel nogsteeds. My 1ste swangerskap was maklik en Kayla was n sterk gesonde baba, iets wat almal wil he. Maar Kayla is oorlede op 18 maande, en glo my as ek vir jou se ek baklei gereeld met die Here, maar ek het besef baklei help nie, en die Here vergewe ons in ons swakheid. Ek sal nooit weet hoekom of waarom nie, al wat ek oor het is liefde, geloof en hoop. Ek het in Februarie n miskraam gehaad en in Maart n buis swangerskap, na n nood operasie moes die dokter my regter buis verwyder, ek het nou net een buis. Ek het weer gevra hoekom, waarom en hierdie keer het ek my antwoord gekry, ek is nie reg vir n nuwe baba nie, want ek wil vir Kayla he en nie n nuwe baba nie. So met alles wat verkeerd gegaan het in my lewe bly ek darem dankbaar vir die 18 maande wat ek saam my kind gehaad het. Ek weet wat ek skryf sal jou seker nie troos nie, maar weet jy is nie aleen nie, ons bid vir julle. Hou styf vas aan die Here met alles in jou, gee alles oor aan die Here, want al weet ons nie en kry ons nie antwoorde nie, die Here weet wat Hy doen, Hy maak nie foute nie, nooit nie. Ek het so n maand terug die beste christelike epos ontvang, dit is waar klomp mannetjies elkeen stap met n groot kruis op hulle skouers, die een mannetjie bid toe en vra die Here om hierdie kruis korter te maak want dit is te swaar, die kruis is toe korter, die mannetjie vra toe weer dat die kruis korter gemaak word en so gebeur dit weer, en weer en weer todat die kruis baie kort en lig is en nie meer swaar is en moeilik om te dra nie, na al die gestap kom al die mannetjies by n rots skeur in die berge en hulle sit almal hulle kruise neer en begin oor stap, die mannetjie met die kort kruis het toe n probleem want sy kruis is toe te kort om oor die skeur te stap. Dit was vir my n groot 'eye opener' ek het besef, ons weet nie waarom dinge gebeur nie en kan nie die pad voorentoe sien nie, maar die Here weet van geboorte af watse pad ons gaan stap, en al is dit swaar en moeilik moet ons net in Hom vertrou want Hy sal na ons kyk, soms dink ons ons vra vir die regte goed in ons gebede en kry dit, maar is dit wat die Here wil he. Al wat oorbly is liefde, geloof en hoop, vir die Here, in die Here en saam met die Here. Ek bid vir julle, gaan sit by Jesus en raak stil, voel hoe Hy jou styf vasdruk teen sy bors en jou gee wat jy vandag nodig het. Baie sterkte en baie liefde.