Dagboek 2019-06-01T11:22:44+00:00

Dagboek

Vir Junie

Lééf so… met hart & siel

Iets om te verklaar

“Ek wil rustig op God wag, want van Hom kom al my hoop.” Psalm 62:6

Iets om te doen

Maak ‘n draai by Hermien van der Merwe se solo-uitstalling by Die Ou Landbousaal op Stellenbosch op 7 en 8 Junie.

‘n Plek om te ontdek 

The Farmhouse by Granny Mouse Country House & Spa in die KZN-Middelande is ‘n luukse selfsorgwoning. www.grannymouse.co.za

Iets om te proe 

Eet nagereg eerste by die Palazzao Montecasino Medeo Restaurant. Dié kaneel- en vanieljesousroomys is pure lekkerte.

Iets vir jou huis 

Die vrolike Layla-lappiesbank in skakerings van roes en rooi is van Beetroot Inc. Vir meer inligting besoek www.beetrootinc.co.za.

Iewers om te kuier

Vier Vadersdag op Sondag, 16e Junie by die Cavalli Estate Restaurant. Die wynlangoed is geleë op die R44 naby Somerset-Wes.

Iets om te bid

“Here, verander die selfvoldaanheid in my hart in liefde en genade. Help my om met oë van liefde na ander te kyk. Amen.”

Iets om te dra 

Bederf jouself met ‘n paar lieflike leerskoentjies van Baruch. Bestel joune by www.baruchstyles.com.

Iets om oor na te dink

Raak opnuut bewus van die maniere waarop God elke dag vir jou sorg. So word jy herinner aan sy alomteenwoordige liefde.

Dagboek

  • Die nie-winsgewende organisasie, Ons Tuis,  wat hom beywer vir bejaardesorg, ondersteun vanjaar die Tooi Turkoois vir Bejaardes-inisiatief. Dié inisiatief wat jaarliks vanaf 15 Mei tot 15 Junie plaasvind, nooi alle Suid-Afrikaners om hulself, asook hul strate en dorpe in turkoois te tooi. Dié inisiatief is ‘n fondsinsamelingsprojek en nooi persone of organisasies wat betrokke wil raak, om onder meer turkoois items te dra in dié tydperk om ondersteuning te toon, ‘n tehuis, aftreeoord, dienssentrum vir bejaardes, die bejaardes van ‘n spesifieke omgewing of ‘n spesifieke groep bejaardes te identifiseer ten bate waarvan fondse ingesamel gaan word of self fondsinsamelingsinisiatiewe te hou. Kontak Hannelie Fourie by hannelief@otmt.orgvir meer inligting.
  • By NG Dalpark Kaléo word die gawe van kreatiwiteit feestelik gevier. “Drama en musiek is een van die sektore van die samelewing wat ons gemeente graag wil gebruik om ‘n verskil in ons gemeenskap te maak”, sê ds. Hennie Pienaar, Visionêre Leraar van Dalpark Kaléo. Op 2, 7, 8 en 9 Junie word die musiekblyspel, Die Skuilte, in die gemeente se ouditorium aangebied. Lidmate gebruik hulle talente in sang, musiek en drama om ‘n goedvoelboodskap met ‘n geestelike strekking oor te dra. Vir meer inligting en besprekings, skakel die kerkkantoor by 011 915 1858 of 083 2600 119.
  • Die winter is hier en dit beteken Franschhoek is #OpenForWinter. Trotseer die kouer weer en kies op Saterdag, 15 Junie, koers na Franschhoek-kelder vir die jaarlikse Franschhoek Winter Wines wat van 11vm tot 4nm aangebied word. Kaartjies vir kos R295 per persoon en is beskikbaar by webtickets.co.za. Die kaartjie sluit in ’n komplimentêre wynglas, ’n proe van al die wyne op die fees en ’n R20-koepon wat op die dag gebruik kan word.
  • Die Sempre Opera-geselskap bied La Traviata deur Verdi by die Johannesburg Teater aan vanaf Saterdag, 22 Junie. Vertonings vind ook plaas op 23, 26, 28 en 30 Junie. Vir meer inligting en besprekings, besoek joburgtheatre.com of skakel 0861 670 670.  Daar is afslagpryse vir groepbesprekings beskikbaar. Kontak die teater direk by 011 877 6853 as jy vir ‘n groep wil bespreek.
  • Die sestiende Innibos Laeveld Nasionale Kunstefees vind plaas vanaf 26 tot 29 Junie in Mbombela (Nelspruit). Besoek innibos.co.za vir ‘n volledige program en meer inligting.