Ons hou weer kreatiewe retreat!

Breek weg, word stil en leer hoe om kreatief joernaal te hou en so jou daaglikse kreatiewe tyd as stiltetyd te gebruik.

Die tema vir vanjaar se spesiale dagretreat, wat deur kunstenaar en opvoedkundige sielkundige Anél Stricker-Bessinger aangebied word, is vul.vind.vreugde. Tydens die daglange retreat gaan ons leer hoe om jou daaglikse kreatiewe tyd as stiltetyd te gebruik. Ons nooi jou uit om die helende vreugde van kreatiewe stilword te ervaar. Kom leer nuwe, maklike en ekspressiewe tegnieke – daar gaan gespeel word met kleur, beeld en veral met tekstuur. Elke retreatganger gaan self ‘n visuele joernaal maak en so die reis na die ontwikkel en ontdek van jou eie unieke kreatiewe stem aanpak. Kom leer hoe om jou kreatiewe stiltetyd te gebruik om vreugde te vind, vir gesprekke met God, vir heelword, self-insig en persoonlike groei. Daar gaan ook genoeg tyd ingeruim word vir stilword en eenkant kom.

Anel kies dié Skrif as inspirasie vir die retreat:
By U kruip ek weg, want U is baie sterk, U pas my goed op. Ek wag op U woord om my sterk te maak.’ Psalm 119:114
Vreugde en geluk is goed vir jou gesondheid.’ Spreuke 17:22
‘Moenie teneergedruk wees nie, want die blydskap wat die Here gee, sal julle krag wees!’ Nehemia 8:10

Volgens Anel skep kreatiewe aktiwiteit nuwe lewe in jou gees: “Dit is van nature hergenererend, aangesien God as Skepper die bron daarvan is. Ons is geskape na Sy beeld en Sy kreatiwiteit is deel van jou wese. Die honger in jou om iets te maak, te skep of selfs te doen – al weet jy dikwels nie wát nie – is die roepstem van daardie kreatiwiteit in jou selfs al is dit toegegooi onder jare se stof van kritiek en lewensverantwoordelikhede.”

Wanneer: Saterdag 11 November 2017, 07:30 tot 16:30
Waar: Origins-retreatsentrum, Kromdraai, Gauteng
Koste: R800 per persoon (sluit koffie/tee, verversings, ‘n ligte middagete en ‘n Lééf-geskenksakkie in)
Bespreek by Veronika van den Berg by admin@leef.co.za of skakel 073 136 5058.

Opskud, daar is slegs ‘n beperkte hoeveelheid plekke vir die retreat beskikbaar!

Retreats

Ons hou retreat

Ons hou retreat Van 2 tot 4 Junie het ‘n groep van 33 lesers saam met die Lééf-span en aanbieder, Annelise Wiid, kom stil word by ons jaarlikse retreat wat vanjaar weer by St. Augustine’s naby Ladybrand in die Oos-Vrystaat gehou is. Grace Strydom en Riana Viljoen Elmie Faasen en Lorette Wessels Karen du Plessis en Nida Basson Doreen en Marli Maree Christine Kruger, Sonelle Basson en Ilse [...]