Geopende Deure 2018-12-01T13:51:31+00:00

Weer terug by die huis!

Geopende Deure dien vandag miljoene vervolgde Christene in meer as 60 lande. Ook jý kan help om ’n verskil te maak.

In Augustus 2014 moes al die inwoners van Karamles, Irak, vlug voor die aanval van die selfverklaarde Islamitiese Staat (IS). Sowat 790 Christen-gesinne is in dié dorpie ontwortel, tesame met Noeh en sy gesin. Die13-jarige Noeh was toe net 9 jaar oud.

Noeh onthou die dag toe hy, ná Karamles se bevryding, die dorpie weer kon besoek: “Ek was baie hartseer om my huis, en só baie ander huise, afgebrand te sien.”

Sy pa, Haithem, sê ook: “Eerlikwaar, die huis was so erg beskadig dat ek nie gedink het ons sal dit kan herbou nie…”

Teen 2017 was ons opgewonde om deur plaaslike vennote te kon help met die rekonstruksie van baie van die huise wat heeltemal deur die IS vernietig is, en ook later tydens die gevegte om die Nineve-vlakte te bevry.

Geopende Deure kon met die hulp van ons getroue ondersteuners families soos dié van Noeh gedurende die lang maande en jare van ontworteling met praktiese hulp soos kos en klere ondersteun – baie gesinne moes alles agtergelaat toe hulle gevlug het.

Vandag is Noeh terug by die huis in Karamles – voorwaar ʼn oorwinning! “Ek was baie gelukkig om weer in my eie huis te slaap,” sê hy.

Met die groothartigheid van getroue ondersteuners, en tesame met ons plaaslike vennote, kon ons die rekonstruksie van 1 051 huise op die Nineve-vlakte finansier, waaronder 40 in Karamles. En soveel as 8 000 Christen-gesinne het nou weer teruggekeer na hul huise en dorpies om die lig van Jesus Christus in Irak te wees.

Aan die Christene oor die wêreld heen wat gebid het en die Miljoen Stemme van Hoop-petisie onderteken het, sê Noeh: “Ek sê dankie aan almal in die wêreld, elke land in die wêreld, wat vir ons gebid het en ons gehelp het.”

En soos Noeh se predikant, Thabet, sê: “Ons kan onsself nie Irak sonder Christene voorstel nie. Christene is sout en lig… dit is ons taak om die lig in hierdie land te wees.”

Maak só ‘n verskil

Jy kan Geopende Deure help om vervolgde Christene te bly versterk om die lig van Christus te wees in plekke soos Irak waar geloof die meeste kos! Om’n donasie te gee, deponeer jou skenking in een van die volgende bankrekeninge:

Geopende Deure ABSA, 632005 Rekeningnommer 160 340 568 (Lopende) Verwysingsnommer LF1811.

Geopende Deure Nedbank, 198765 Rekeningnommer 113 750 4552 (Besigheid) Verwysingsnommer LF1811.

011 888 9341 | southafrica@od.org| www.opendoors.org.za