Help

Hi Marelize, ouerskap is nie 'n maklike ding nie, tog verskaf dit baie vreugde vir 'n mens. Ek dink jy het bietjie time-out nodig. Kyk gerus na James Dobson se boek "Bringing up boys". Het vir my baie beteken. Sou lekker gewees het om 'n koppie koffie saam jou te drink en jou te bemoedig. As ek mag raad gee: moenie op hulle skree nie, verander daardie "taktiek" en skei hulle stil van mekaar vir so 5 - 10 minute. Neem ook voorregte van hulle weg soos tv kyk of bere van hulle gunsteling speelgoed vir 'n paar dae weg. Moenie dat hulle jou ore aansit nie. God het geweet dat jy die regte mamma vir hulle is, so moenie moedeloos wees nie, wees sterk en laat God jou mamma-wees elke dag vernuwe en die moed gee om hierdie groot taak elke dag nuut aan te pak. Groete en sterkte

Marilize, ek het ook twee woelwater seuns grootgemaak en het ook baie keer op hul geskreeu en gevoel om te vlug, maar met die genade van ons Liefste Vader het hy my gehelp om hulle op die regte manier te hanteer. SGoosen se wense bid ek jou ook toe, volg haar raad en baie, baie sterkte. My seuns is nou onderskydelik 20 en 23 en ek's baie trots op hulle!

My innige meegevoel Marelize.. ek is n ouma van 55jr met n kleinkind van 4jr en somstyds voel dit of ek teen die mure kan uitklim... ek het ten einde die boek gekoop 'n nuwe kind teen vrydag' - klink dit bekend? Ek het nog nie kans gehad om dit te lees nie! - maar ek sal nog binnekort want kyk, hulle kan vir jou uittart.... ek bly ook maar op my kniee en bid vir krag..... sterkte vir jou Marelize - gelukkig word hulle groter by die dag... Heila

Baie dankie liewe gebeds vriendinne, ek voel sommer al klaar baie beter net om te weet dis nie net ek nie! 'n Baie lekker en rustige naweek word een en elkeen van julle toegebid.